Политика за приватност

Контролор на личните податоци што се обработуваат преку toko.mk е СОФТЕК ПЛУС ДООЕЛ Скопје, бул. АСНОМ 176, 1000 Скопје, С. Македонија, ЕДБ MK4030007007109, ЕМБС 6285171 (во понатамошниот текст: „ние“). Податоците ги обработуваме согласно Законот за заштита на личните податоци.

За сè што се однесува на вашите податоци обратете се на или на телефон .

• Кошничката и изборот на јазик се чуваат во локалното складиште (localStorage) на вашиот прелистувач, а податоците што ги внесувате во чекорите на нарачката во складиштето на сесијата (sessionStorage), кое се брише кога ќе го затворите прозорецот. Податоците за испорака остануваат на вашиот уред и до нас стигнуваат дури кога ќе ја испратите нарачката. Додавањата и отстранувањата од кошничката влегуваат во статистиката за посетите подолу. Кошничката се празни сама по 10 минути без промени.
• Колачето site_access се поставува само додека продавницата е затворена за јавноста пред отворањето, за да запомни дека сте го внеле кодот за пристап.
• На страницата за плаќање се вчитуваат безбедните полиња на НЛБ Банка Македонија, кои може да користат свои технички колачиња според правилата на банката.

Сите овие се неопходни за да работи продавницата. Не користиме колачиња за рекламирање ниту алатки за следење на трети страни. Можете да ги избришете преку поставките на прелистувачот, со тоа што ќе се испразни и кошничката.

За да видиме како се користи продавницата и каде купувачите се откажуваат, водиме сопствена статистика за посетите. Не користиме алатки на трети страни и податоците не ги споделуваме со никого.

• Што запишуваме: кои страници и производи се прегледани, додавања и отстранувања од кошничката, до кој чекор од нарачката се стигнало и дали е притиснато Плати, кликови на главните копчиња, од која страница сте дошле (само името на сајтот) и ознаките на рекламната кампања, и видот на уредот (мобилен, таблет или компјутер).
• Како: без колачиња. Во прелистувачот се чува само случаен број за тековниот прозорец, кој останува додека прозорецот е отворен и се брише кога ќе го затворите. IP-адресата не ја запишуваме: со видот на прелистувачот ја претвораме во код со клуч што се менува секој ден и не се чува, па посетите од различни денови не можеме да ги поврземе. Ништо од она што го пишувате во формуларите не се испраќа.
• Кога посетата завршува со нарачка, записите од таа посета се поврзуваат со нарачката, а со тоа и со податоците што ги дадовте за неа, за да видиме како оди нарачувањето и плаќањето. Посетите без нарачка не ги поврзуваме со вас.
• Кога не: ако вашиот прелистувач испраќа сигнал Global Privacy Control, не запишуваме ништо.
• Правен основ: легитимен интерес да ја подобриме продавницата. Записите ги чуваме 180 дена, а потоа се бришат.

• Склучување и исполнување на договорот за купопродажба: обработка на нарачката и плаќањето, достава, известувања за нарачката, рекламации, враќања и поврат на пари.
• Исполнување на законски обврски: издавање и чување фактури и сметководствена документација и постапување по рекламации според прописите за заштита на потрошувачите.
• Легитимен интерес: заштита од измами и злоупотреба на платежни картички, безбедност на продавницата, ограничување на злоупотребата на формуларите и докажување при спор или оспорено плаќање.
• Чекори на ваше барање пред склучување договор: одговор на барањето за дизајн со предлог, цена и рок.

Не ги продаваме вашите податоци, не ги користиме за рекламни пораки и не правиме автоматизирано одлучување или профилирање.

• НЛБ Банка Македонија и платежниот систем преку кој банката ги обработува картичните плаќања: име и презиме, е-пошта, телефон, адреса, IP адреса, бројот и износот на нарачката, за да се изврши и заштити плаќањето.
• Курирската служба Карго Експрес (Cargo Express): име и презиме, адреса, телефон и упатствата за достава, за да ја достави пратката.
• Давателот на услугата за е-пошта преку кој ги испраќаме пораките за нарачките.
• Давателот на серверот на кој работи продавницата и се чува базата на податоци.
• Државни органи, само кога тоа го бара закон.

Тие ги добиваат само податоците што им се потребни за нивната работа и не смеат да ги користат за други цели.

Имате право да побарате информација и пристап до податоците што ги обработуваме за вас, нивна исправка или бришење, ограничување на обработката и пренос на податоците, и право на приговор против обработка заснована на легитимен интерес. Бришењето не важи за податоците што мораме да ги чуваме според закон.

Барањето испратете го на или јавете се на . Одговараме без одлагање, најдоцна во рок од еден месец.

Ако сметате дека вашите податоци се обработуваат спротивно на Законот за заштита на личните податоци, имате право да поднесете барање до Агенцијата за заштита на личните податоци (azlp.mk).